Rossiyadagi muhojirlarning ish haqi darajasi rus tilini bilishlariga bog’liq bo’ladi. Bu haqda Rossiya migrantlar Federatsiyasi prezidenti Vadim Kojenov Moskvadagi matbuot anjumanida ta’kidlab o‘tdi. Bu bog’liqlikni Qirg‘iziston, O‘zbekiston va Tojikistondan kelgan 5 mingga yaqin mehnat muhojirlari o‘rtasida o‘tkazilgan tadqiqot ko‘rsatdi. “Ma’lum bo’lishicha, odamlar daromadlari bo’yicha bir-birlaridan 40 foizga farq qiladilar. Ya’ni, rus tilini yomon bilganlar o‘rtacha 37 ming rubl, rus tilini yaxshi bilaman deganlar esa o‘rtacha 49 ming rubl ishlab topadilar”, — dedi Kojenov.
Tadqiqot: migrantlarning daromadi rus tilini bilishlariga bog’liq ekanligi haqida
