Фото: humphery/shutterstock
Hozircha, Rossiya qurilish obyektlarida migrantlarning ishchi kuchidan butunlay voz kechishga yo’l qo’yishning imkoniyati yo’q, dedi Rossiya Bosh vaziri o’rinbosari Marat Xusnullin ofisida. Mamlakatda ishchi kuchining yetishmasligi qurilish xarajatlariga ta’sir qilmoqda, deb xabar beradi “Izvestiya” gazetasi. Davlat Dumasi quruvchilar o’rtasida so’rovnoma o’tkazdi va natijalar, agar muhojirlar kuchidan voz kechilsa, turar joylarning tannarxi 10-40% ga oshib ketishi mumkinligini tasdiqladi. Davlat Dumasi koronavirus pandemiyasi tufayli chegaralar yopiq bo’lganligi sababli Moskva, Sankt-Peterburg va boshqa yirik markazlarda qurilish ishlari deyarli toʻxtaganligini taʼkidladi.
“Hozirgi vaziyatda migrantlarning toʻliq taʼqiqlanishi, aslida, qurilishning toʻxtatilishi, quruvchilarning fuqarolar oldidagi majburiyatlarining belgilangan muddatlarda bajarilmasligiga olib keladi”, — dedi Davlat Dumasining qurilish va uy-joy va kommunal xizmatlar masalalari qoʻmitasi aʼzosi Aleksandr Yakubovskiy.