Фото: mos.ru.
2022-yil 26-iyul kuni boshqarma boshlig‘i Vitaliy Suchkov “Moskva shahridagi o‘zbek milliy-madaniy muxtoriyati” hududiy jamoat tashkiloti kengashining yangi raisi Baxrom Ismoilov bilan uchrashdi. Suhbat chog‘ida boshqarma boshlig‘i milliy jamoat birlashmalari Rossiya poytaxtida millatlararo tinchlik va yaxshi qo‘shnichilik munosabatlarini saqlash, madaniy almashinuvlarni amalga oshirishda ulkan rol o‘ynashini alohida ta’kidladi. Uchrashuvda Moskva shahrida millatlararo munosabatlarni uyg‘unlashtirish, o‘zbek madaniy an’analarini asrab-avaylash va rivojlantirish maqsadida milliy-madaniy avtonomiya va shahar hokimiyati o‘rtasidagi hamkorlik istiqbollari muhokama qilindi. Tomonlar turli masalalarni hal etishda o‘zaro manfaatdorlik va konstruktiv hamkorlikka tayyor ekanliklarini bildirdilar. Shuningdek, Vitaliy Suchkov Bahrom Ismoilovni “Moskva shahridagi o‘zbek milliy-madaniy muxtoriyati” hududiy jamoat tashkiloti kengashi raisi etib saylangani bilan iliq tabriklab, yangi rahbarlik davrida milliy-madaniy muxtoriyat o‘zbek madaniyatini asrab-avaylash va ommalashtirish, ko‘p millatli metropol aholisi o‘rtasida vatanparvarlik va totuvlikni mustahkamlash borasidagi ishlar samarali davom etishiga umid bildirdi. Uchrashuv so‘ngida Vitaliy Suchkov Baxrom Ismoilovga, shuningdek, milliy-madaniy muxtoriyatning barcha faollari va a’zolariga bunyodkorlik ishlarida va har qanday tashabbusda muvaffaqiyatlar tiladi.