Фото: RG.ru / Сергей Куксин.
Россия Федерациясы кыргызстандык эмгек мигранттарынын иштөө жана жашоо үчүн чет өлкөнү тандоосу боюнча эң алдыңкы мамлекет бойдон калууда. Бул тууралуу КР Улуттук статистикалык комитети жүргүзгөн изилдөөдө айтылат. «2021-жылы республикадан чыгып кеткен жарандардын 70 пайызга жакыны Россияга кеткен. Экинчи орунда – 30 пайызга жакыны – Казакстанга»,– деп баса белгиледи Улуттук статистикалык комитет. Россия Федерациясынын аймактарындагы кыргыз диаспораларынын өкүлдөрүнүн айтымында, 2021-жылдын жана 2019-жылдын ушул мезгилине салыштырмалуу быйылкы жылдын башынан бери Россия Федерациясына жумушка орношуу үчүн барган мекендештердин саны кыйла өскөн. Тюмень диаспорасынын башчысы Канзада Сманованын айтымында, Кыргызстандан жыл сайын облуска адатта беш-алты миң адам келет, бирок 2022-жылдын акыркы алты айында бул сан 10 миңге жеткен. Канзада Сманованын айтымында, Россия Федерациясында иштөөнү каалагандардын агымынын көбөйүшү, биринчи кезекте, Россия Федерациясы менен Кыргызстандын ортосунда бардык «ковид» чектөөлөрү өз ара алынып салынгандан кийин акыркы убакта темир жол жана аба каттамдарынын кайра жанданышына байланыштуу. Кыргыз Республикасынын жарандары эми Россиянын аймагына аба аркылуу да, кургактык аркылуу өткөрүү пункттарынан да эркин кире алышат. Анын ичинде көпкө чейин жабык турган орус-казак чек арасы аркылуу. ПЦР тесттеринин натыйжаларын көрсөтүү эми милдеттүү эмес.