Сергей Бунеев/Фото:©Ўзбекистон Республикаси Транспорт вазирлиги/t.me/Mintrans_uz.
Өзбекстандын бийликтери 18-июлдан тарта Россиянын бир катар шаарлары менен автобус каттамдары жанданганын билдирди. Бул каттамдар эки жыл мурун коронавирус пандемиясынан улам үзгүлтүккө учураган. Москва, Казань жана Санкт-Петербург менен үзгүлтүксүз автобус каттамдары калыбына келтирилет. Ташкенттен Москвага каттам дүйшөмбү жана бейшемби күндөрү, Казанга — шейшемби жана жума күндөрү, Санкт-Петербургга — шаршемби жана ишемби күндөрү каттайт. Чоңдор үчүн билеттин баасы болжол менен 800 миң сумду (4162 орус рублине барабар) түзөт, деп билдирди РИА Новости ишемби күнү, 16-июлда. 2022-жылдын 1-июнунан тарта Өзбекстан дагы Россиянын аймактарындагы өкүлчүлүктөрүнүн санын 10дон 16га чейин көбөйттү. Бул түзүмдөрдүн алдында мигранттардын укуктарын колдоо борборлору уюштурулат.