Фото: © РИА Новости. Сергей Ильин.
Дүйнөдөгү кырдаал, миграция чөйрөсүн кошо, динамикалуу өзгөрүп жатат, жаӊы турмуш чындыгында миграция жаатындагы саясаттын иштеп жаткан концепциясын түзөтүү зарыл, деп жарыялады Россиянын президенти Владимир Путин. «Дүйнөдөгү кырдаал динамикалуу өзгөрүп жатат, миграция чөйрөсүнө таасир кылуучу жаӊы глобалдык жана регионалдык фактылар келип чыгууда», – деп белгиледи мамлекет башчысы россиялык Коопсуздук кеӊешинин отурумунда. Путин өлкөдө бул өзгөрүүлөргө өз убагында жана майнаптуу жооп кайтаруу, анын ичинде жаӊы турмуш чындыгынын фонунда иштеп жаткан миграциялык саясат концепциясын түзөтүү зарылдыгын баса белгиледи. Россиялык лидердин сөзү боюнча, жаӊы документ жашап турган дагы, дараметтүү дагы чакырыктардын бүткүл комплексин толук өлчөмдө эске алууга жана мыйзамдарды андан ары өркүндөтүү үчүн негиз болуп калууга тийиш. Президент миграция жааты «Россиянын улуттук коопсуздугу жана туруктуу өнүгүүсү үчүн өтө сезимтал» экенин кошумчалады.