Фото РИА Новости-Павел Бедняков
Борбор калаага келген жаштарды адаптациялоого жана интеграциялоого багытталган бир катар иш-чаралар аяктады. Долбоор Москва шаарынын Улуттук саясат жана аймактар аралык байланыштар департаментинин колдоосу менен ишке ашырылган. Декабрдын башында №132 китепканада борбордогу улуттук диаспоралардын маданий кечеси болуп өттү. Конокторго кыргыз, тажик жана өзбек диаспораларынын өкүлдөрүнүн чыгармачылык номерлери тартууланды. Андан соң мамлекеттик башкаруу университетинин спорткомплексинде волейбол боюнча «Достук кубогу» турнири болуп өттү. Жеңүүчү командалар кубок, медалдар жана белектер менен сыйланышты. Өткөрүлгөн иш-чаралар Москвада улуттар аралык мамилелерди шайкеш келтирүүгө, улуттук негиздеги чыр-чатактардын келип чыгуусун азайтууга жана мигранттарды мегаполистин социалдык-маданий жашоосуна интеграциялоого өбөлгө түздү.