© Владимир Смирнов / ТАСС
Өкмөт Россияда иштөө үчүн жогорку квалификациялуу чет элдик адистерди тартуу шарттарын жөнөкөйлөткөн федералдык мыйзам долбоорун жактырды. Бул тууралуу мыйзам долбоорун иштеп чыккан Экономикалык өнүктүрүү министрлигинин басма сөз кызматы билдирди.
«Документтердин санын жана аларды тариздөө мөөнөттөрүн кыскартуу каралууда. Эгерде мурда жумушка орношууда документтердин түп нускасы менен кол коюу же Россияга жеке өзү келүү зарыл болсо, эми документтерди тариздөө үчүн электрондук почта аркылуу жөнөтүүгө болот. Мыйзам долбооруна ылайык, жумушка уруксат алуу үчүн кайрылганда ЖКА (жогорку квалификациялуу адис – ТАСС эскертүүсү) каттоо талабы алынып салынат, ошол эле учурда өлкөнүн бир нече аймактарынан аны алуу мүмкүнчүлүгү сакталып калат»,– деп айтылат маалыматта. Ошондой эле мыйзам долбоорунда ЖКА статусун алуу үчүн зарыл болгон бир айлык эмгек акынын деңгээлин учурдагы 167 миң рублдан 250 миң рублга чейин көбөйтүү сунушталууда.