Фото: РИА Новости/Илья Питалев.
Бул процедура чет өлкөлүк жарандардын миграциялык документтерин жокко чыгарат. Бул тууралуу Россиянын Мигранттар федерациясынын президенти Вадим Коженов «Говорит Москва» радиостанциясы менен болгон маегинде билдирди. «Эгерде батир чындап эле «резина» болсо, ал жерде бир нече чарчы сантиметрге белгилүү бир сандагы адамдар катталганы далилденсе, бул, албетте, туура эмес, анда базадагы жазуулар легитимсиз деп табылып, өчүрүлөт. Мигрант мыйзамсыз абалга туш болот, анткени ал анын нормалдуу, жарактуу миграциялык каттоосу бар экенине ишенип жүргөн болот, бирок аны базадан чыгарып салса, анда көйгөйлөр жаралат. Бул Россия Федерациясынан чыгаруу менен катар, беш жылга чейин өлкөгө кирүүгө тыюу салуу менен коштолушу мүмкүн. Негизи биздин өлкөдө мигранттар үчүн эң негизги административдик жаза катары өлкөдөн чыгаруу эсептелет. Эгерде адам административдик укук бузуу жасаса, анда же айып пул, же айып пул жана өлкөдөн чыгаруу каралган. Мындан жаман эч нерсе жок”.