Фото: РИА Новости/Пресс-служба МИД РФ
Маскав ва Бишкек дар болои қарордоди байниҳукуматӣ дар бораи интихоби муташаккили шаҳрвандони ҷумҳурӣ барои кор дар Русия кор мебаранд. Дар бораи ин дар мақолаи сарвари ВКХ ФР Сергей Лавров, ки рӯзи панҷшанбе дар «Российская газета» бо муносибати муқарраркунии муносибатҳои дипломатӣ бо давлатҳои Осиёи Марказӣ интишоргардида гуфта мешавад. «Кишварҳои мо муносибати байниҳамдигарии зиҷро дар соҳаи танзимоти муҳоҷиратӣ рушд дода, асоси соҳавии шартномавӣ-ҳуқуқиро такмил мебахшанд. Дар соли 2017 созишномаи байниҳукуматӣ дар бораи интихоби муташаккили шаҳрвандони Ӯзбекистон барои кор дар Федератсияи Русия имзо карда шуда буд. Созишномаи монанди дар соли 2019 бо Тоҷикистон басташуда ба қувваи қонунӣ даромад. Ҳуҷҷати мутоибқи байниҳукуматӣ бо Қирғизистон коркард карда мешавад»,– гуфт ӯ. Аз рӯи суханони Лавров, пинҳонӣ нест, ки шаҳрвандони давлатҳои Осиёи Миёна, ба бозори меҳнати русиягӣ шавқмандии баланд зоҳир мекунанд. «Ин аз он ҷумла бо тартиби бераводидӣ бо кишварҳои аксарияти минтақа ва мавҷуд набудаи маҳдудияти забонӣ алоқаманд аст»,– қайд кард роҳбари идораи дипломатии Русия.