Фото: mos.ru.
12-июнь Россия күнүндө, «Труд» стадионунда Москва шаарынын улуттук-маданий бирикмелеринин командаларынын жана жердештердин ортосунда футбол боюнча мелдештин финалы болуп өттү. Мелдеш 23-апрелде башталган. Турнирдин уюштуруучулары «Уряал» Бурят маданиятынын коому» аймактык коомдук уюму жана Москва шаарынын өкмөтүнө караштуу улуттар кеңешинин дене тарбия жана спорт боюнча комиссиясы. Москва шаарынын Улуттук саясат жана аймактар аралык байланыштар департаменти колдоо көрсөттү. Салтанаттуу аземде Москва шаарынын Улуттук саясат жана аймактар аралык байланыштар башкармалыгынын башчысы Виталий Сучков турнирдин финалисттери менен учурашты, катышуучу командаларды жана уюштуруучуларды сыйлоо аземине катышты. «Бүгүнкү турнир ийгиликтүү өттү. Ага улуттук-маданий автономиялардын, улуттук коомдук уюмдардын жана аймактык жамааттардын өкүлдөрүнөн турган 18 команда катышканы абдан жагымдуу. Турнирден турнирге улуттар аралык достук чыңдаларына ишенем. Москва көп улуттуу жана көп конфессиялуу шаар жана биз биримдикте болушубуз абдан маанилүү»,– деди Виталий Сучков.