Подмосковьенин жашоочуларынын өтүнүчтөрү боюнча миграциялык борбор Путилководон Сахарового кетип жатат.

Подмосковьедеги Путилково красногор кичирайонунун жашоочулары жеңилдик менен дем ала алышат. Алар жабууну суранышкан миграциялык борборду кичирайондон чыгарып кетишмекчи. “Биз жаңы аянтчаны тандап алдык, эми ноябрда эле борбор көчүп кетүүгө тийиш”, — деп маалымдады областтагы өкмөттүн төрагасынын орун басары Роман Каратаев. Бирдиктүү миграциялык борборду Путилководо бир нече жыл мурун ачышкан эле, анда микрорайон чанда гана турак-жай үйлөрү менен болгон жөнөкөй гана ири курулуш аянтчасы болчу. Бирок азыр көп нерсе өзгөрүп кетти, үйлөргө элдер толук отурукташышты, анан эле даттануулар жаай баштады. Адамдар, мигранттар түндөн тартып эле БМБга келишип, жергиликтүү унаа токтотуучу жайларды машиналар менен тосуп алышып, кезекке турушуп, кабыл алууну күтүп, ушул эле жерлерде машиналар менен катар укташып, тамактанышып, музыка угушуп, өз ара урушуп-талашып кетип жатышканын айтышат. Подмосковьедеги БМБ, Жаңы Москвадагы Вороновское конушунда жайгашкан Сахарово кыштагына көчөт. Ошол эле борбордук миграциялык борбор жайгашкан жакка барат. Ал жакта жакын аралыктарда турак-жай жок, демек, мигранттар эч кимге тоскоол болушпайт. Азырынча бул эки – борбордук жана областтык борборлор бир юридикалык жакка бириге тургандыгы тууралуу эч ким кеп кылган жок. Бул, көпчүлүк мигранттар Москвада жумуш патентин алып, ал эми турак-жайды арзаныраак областтан издегенин эске алганда логикалык жактан туура болмок.

https://rg.ru/2021/09/23/reg-cfo/migracionnyj-centr-pereezzhaet-iz-putilkova-v-saharovo.html